Love never dies

　　最近，因為已經定下目標所以多了時間無所事事，無意中重聽中學時很喜歡的歌曲。突然，有一首旋律最優美的前奏響起，各種感受油然而生。
　　Love never dies貴為歌聲魅影的續集，當年備受矚目地上演，結果大受劣評，及後在澳洲上演的幸好挽回了少少聲譽。雖然劇情橋段重新編排過，但是男女主角各一首的主題曲不變。中學時聽Love never dies以為只是Andrew Lloyd Webber 對Sarah Brightman 的一段心聲，不論是否，現在重聽這歌，別有一番風味——愛的真締其實此曲已盡訴。
　　「沒有人知道誰開始了愛，沒有人知道它何時萌芽。而有一天他就出現，活在你心裡。它滑入你思緒、它滲透你靈魂、它會讓你驚喜，然後控制你一切。嘗試拒絕它、嘗試過去抗議，但愛就是不讓你走——只要你投入了。
　　愛從不滅，愛從不動搖，一旦說出口，愛便是你的了。
　　愛從不褪色，愛從不更改。心可能會破，愛忍受。心可能會碎，愛承受。
　　然後交出了自己時，骨肉都已經完全投降時，愛帶給你的是眼中一切都比你自己一生都更加重要。它隨心所欲地控制你，並驅使你絕望；而且迫使你能感受到比你承受中更大的快樂。
　　愛帶給你快樂，同時帶給你痛苦，然而當兩者都消失時，愛仍然存在。
　　愛從不滅，愛會繼續，心繼續跳動，縱便你已經離去。愛從不滅，一旦在你心中，愛可能稍縱即逝，然愛長存。」
　　雖然英文直繹後文法有奇怪之處，中心大意經自己理解後稍稍修改用詞。其實說到底，愛是每個人都有的東西，卻是每個人都不易控制到的感覺。事實如此，只要有用心愛過就會縈繞著你，過了多久也多多少少存活著。愛最大的威力就是能夠將人從谷底帶到天上之巔；同時也有把人打到無底深淵的可怕力量。沒有人知道愛何時開始也沒有人知道它何時會成長，因為這東西你我不知，就算當時人也需要他們的默契才合道。
　　這就是愛的可怕之處，滲入靈魂控制一切，使人失控使人痛不欲生又使人喜若天堂。無論旁人如何勸籲如何阻止，只要投入了便很難抽身。口裡可能說已經無所謂，已經放下了，但其實真相只有自己知道。咀裡說不會再有機會，不會再原諒他，但其實一想到甜蜜時又會不禁萌生愛意：「原諒他吧、給他一次機會吧。」
　　愛就是一種教人又想要又可恨的東西，然而它就是永遠不滅，縱使人已別去，也曾留下過愛在此世上。

2018年6月15日 先晴後雨

　　一醒來，已是１２時，本得返４點，卻因風流回來有鐘剩，一黎痕痕提早３粒鐘，返１點。睡眼惺忪都要返工架啦，都慣架啦，重諗住星期五閒日少野做，果然一切都只是圈套。
　　回到去，懷著悲壯心情去開工，返十粒鐘，都係諗住hea架啦，不過，世界盃第二日，無限開戶口，無限搵戶口同埋無限唔識畫飛，人就得三個，客就無限多，生生不息，源源不絕。熟客問有冇得直播，話冇左張直播圖，唔清晰。我就秒答：成個月一日一張印三場，咁唔環保，浪費紙張。都仍然有個麻煩伯死都要走去搵經理，已經忙到抽筋，左問右答，根本分唔到身，晚餐都冇食。下午茶食幸福焗咖哩雞，整體尚可３７蚊凍飲算係咁。
　　返工忙都只是過眼雲煙，今日最痛苦既係坦白後得到既係失望。
　　我承認我自己對最鍾意果個尚未死心，而且覺得自己輸得不值，但問題是既然他已經辛福快樂地拍拖，咁我都無謂打擾人，咁咪移情別戀囉，鍾意左個同自己最親密既人。
　　我從來都冇否認我鍾意佢，但如果真係要排序，咁緊係日月第一，呢個係必然，但事實當然冇咁簡單，人係感情既動物，得一緊係想二，何況得唔到一？

＜＜也許相愛很難　就難在其實雙方各有各寄望＞＞我寄望他愛我，你寄望我忘記你。
　　由最初好憎呢個人，到第一次見佢本人都覺得佢好衰格，自大、囂張、目中無人，以為自己鑽石就係度做大隊長，世事就係咁奇妙，呢一刻我先發覺原來自己最鍾意既人就係呢位大隊長。
　　果晚同佢第一次見同唱ｋ，同卡既講法都係話佢靜音係幾正，漸漸地潛移默化下，都發覺佢唔出聲果陣真係好正。
　　我渴望愛情，所以不忠於一人，這對別人來說可能是花心。但對我自己來說，我很清楚自己的情況，既然日月都不愛你，為何不投放感情在別處？而我投放了，結論就是今天得到的結果——唔岩就係唔岩。

＜＜我沒有為你傷春悲秋不配有堪事　你沒有共我踏過萬里不夠劇情延續故事＞＞：
「你真係唔會岩我，你根本唔知拍拖係點，我係點，我係真係有諗過，但係點計都係唔得」
「你唯一吸引到我既係夠純但係呢個亦都係缺點，我唔係冇諗過俾機會你只不過我知道真係唔岩一齊都冇意思最後咪只係會hurt到你，我唔鍾意當人係水泡。」
「你有吸引到我既野，但係真心一齊係冇意思，我俾唔到d咩你」
「有d野係唔得就唔得」

「有些東西係唔得就係唔得，勉強冇幸福」——這句說話，在小六時聽過一次，在中三時再聽一次，想不到在今天再接受多一次。雖然三次字眼不同，但意思都是離不開。

＜＜原來暫時共你沒緣份　來年先會變得更合襯＞＞
　　既然，佢都話有俾過機會大家，佢又諗得咁清楚，咁可能呢個係一個最佳答案。一齊唔到既個事實都係要接受，十年後回看，即管睇下係咪一件好事。
期待再苦再難堪　我都會忍。

呢一刻我先發覺原來自己最鍾意既人就係呢位大隊長。